Andecha Astur plantega a la XE que sofite a la sidre igual que fai col vinu

Publicada por Redacción Búscolu el 12/05/2015 18:43:39

Rializó una riestra entrugues a la Comisión europea empobinaes a esclariar el sofitu que recibe la sidrr y a igualar ésti col que recibe’l vinu. Entamáronse contautos con otros países productores de sidre p’aniciar un grupu de presión.

Andecha Astur presentó al traviés de Josu Juaristi, el so eurodiputáu de Los Pueblos Deciden, una riestra d’entrugues a la Comisión Europea que tienen por oxetu llograr pa la sidre los mesmos beneficios que conceden al vinu. Asina mesmu entamárense los oportunos contautos con otros países productores de sidre, en visu a crear un grupu de presión p’algamar estos oxetivos.

Ente otres midíes coles que favorez al vinu, la Unión Europea sovenciona y promueve, dientru de les midíes pa la organización común del mercáu vitivinícola, la rialización de programes de promoción de vinu en terceros países, cofinanciando, xuntu colos beneficiarios interesaos, los gastos derivaos de dichos programes.

Estes midíes enáretnese na normativa comúnl que supunxo un cambiu nes midíes de sofitu al seutor vitivinícola, al esaniciar les tradicionales midíes de regulación y sustituyiles por un conxuntu de midíes con un calter más ambiciosu que pretende dar puxu a la conocencia de les carauterístiques y cualidaes de los vinos, cola fin de contribuyir a la meyora de la so posición competitiva y al afitamientu o, nel so casu, apertura de nuevos mercaos en terceros países.

Cola iniciativa d’Andecha Astur lo que se pretende ye que s’apliquen a la sidre eses y otres midíes de promoción coles que cunta la Xunión Europea.

¿Quiéres comentar? Identifícate o Registrate

También en El Búscolu