En rempuesta a les quexes D´Otea, Hostelería y Turismo

Publicada por Redacción Búscolu el 10/10/2015 17:30:15

Dende Darréu queremos desplicar l'únicu oxetivu de la nuesa actividá: sacar la cultura a la cai. Somos una organización de mozos y moces ensin ánimu de llucru que nun recibe sovención nenguna, polo qu'el chigre ye la única vía d'ingresos pa poder cubrir los gastos.

La ubicación de la carpa y en xeneral, el desendolcu de l'actividá, nun ye nada apurao d'un día
pa otru, sinón que lleva en procesu meses y tien tolos permisos necesarios.

Ye por ello que refugamos dafechu les quexes recibíes, yá qu'emplegar un espaciu públicu pa realizar una actividá sociocultural autoxestionada, sobre manera entamada pola mocedá, nun consideramos que seya delitu nengún; sinón too lo contrario. Amás, consideramos que dende'l coleutivu hosteleru deben entender que nun cunten col monopoliu de les cais, y menos tovía cuando nun ufren alternatives d'ociu xuvenil nin apegaes a la nuesa realidá cultural.

Sicasí, pidimos disculpes por si la iniciativa pudo causar molesties a dalgún vecín, y animámosvos a participar nesta segunda xornada del Día de la Mocedá Revolucionario, onde vos esperamos con xuegos tradicionales, comida popular, reivindicación, música y muncho más.

¿Quiéres comentar? Identifícate o Registrate

También en El Búscolu