Iniciativa pol Asturianu celebra que’l Consejo de la Juventud de España sofite la oficialidá del asturianu

Publicada por Redacción Búscolu el 03/06/2018 19:08:16

A lo llargo de la nueche d’esti sábadu y dientro de la 21 Asamblea del Consejo de la Juventud de España (CJE), la entidad más importante de representación de les organizaciones de mocedá d’España, aprobóse con un sofitu del 78,25% una enmienda de sofitu a la oficialidá del asturianu per parte d’esta entidá. 

Desde Iniciativa pol Asturianu queremos felicitar al CJE pol gran sofitu dau a la oficialidá, muestra de que les xeneraciones más moces tán d’alcuerdu dafechu col cambiu d’estatus xurídicu pa la llingua asturiana que marca la Constitución española nel so artículu 3.2.
 
“Esti ye un apoyu más nel gran consensu pola oficialidá, que suma a la mayor parte los partíos, les instituciones europees ya internacionales y a la mayoría de los asturianos y asturianes, lo que mos pon más cerca de la reforma estatutaria que lleve a la oficialidá”, esplica Inaciu Galán, presidente d’Iniciativa pol Asturianu.

¿Quiéres comentar? Identifícate o Registrate

También en El Búscolu