Iniciativa pol Asturianu presenta la “Cerveza pol asturianu” nel Día Internacional de la llingua materna

Iniciativa pol Asturianu presenta la “Cerveza pol asturianu” nel Día Internacional de la llingua materna

Publicada por Redacción Búscolu el 21/02/2017 20:27:58

La organización dio a conocer publicamente esti novedosu productu nuna rueda de prensa nel Conseyu de Mocedá de Xixón El pasáu martes 21, Día Internacional de la llingua materna, la organización Iniciativa pol Asturianu presentó en sociedá la “Cerveza pol Asturianu” col lema “La cerveza que-y presta a la to llingua”.

Iniciativa pol Asturianu en pallabres del presidente la organización, Inaciu Galán pretende: “Ufiertar al públicu un productu de calidá col que faer atractivo collaborar con Iniciativa pol Asturianu y el nuesu llabor, col qu'introducir l'usu del asturianu n'espacios onde davezu nun suel tar presente [...] una forma prestosa de da-y sofitu al asturianu, con un xestu tan cenciellu como tomar unes cerveces colos amigos en cualquier establecimientu, o llevales pa casa y poneles nuna cena”. 

La entidá presentó esta nueva cerveza, fabricao pola empresa asturiana “Bayura Asturies Craft Beer”, firma que dende’l so entamu tuvo’l procuru d’usar l’asturianu tanto nos etiquetaxes como nes promociones.

Comprometíos pa col nuesu idioma, la compañía declaró qu’asoleyaba un productu “pa tolos públicos” y fecho con “ingredientes naturales”.

La rueda de prensa contó cola presencia del director de Bayura, Serxu Solares y el presidente d’Iniciativa pol Asturianu, Inaciu Galán.

Amás, anunciose públicamente’l primer llugar onde se va poner a la venta la cerveza, na cafetería La Revoltosa (C/Juan Alonso, 12) desde esti sábadu, con una folixa a la que, dende les 21 hores, puede averase tol mundu.

¿Quiéres comentar? Identifícate o Registrate

También en El Búscolu