Iniciativa pol Asturianu saca al mercado la Cerveza pol asturianu, la cerveza que-y presta a la to llingua

Iniciativa pol Asturianu saca al mercado la Cerveza pol asturianu, la cerveza que-y presta a la to llingua

Publicada por Redacción Búscolu el 20/02/2017 20:04:32

La organización saca al mercáu esti productu que pretende amestar la venta d’un productu de calidá cola collaboración nel trabayu polos drechos llingüísticos y la normalización de la llingua asturiana

Esti martes 21, Día Internacional de la llingua materna, la organización Iniciativa pol Asturianu presenta la “Cerveza pol Asturianu” col lema “La cerveza que-y presta a la to llingua”.

Amás de les campañes nes redes sociales pa esti día, la entidá quier amosar el valir de la llingua de los asturianos como daqué positivo, actual y qu’amás puede xenerar una imaxe marca propio en too tipo de proyeutos. Iniciativa pol Asturianu en pallabres del presidente la organización, Inaciu Galán pretende: “Da-y más visibilidá a la reivindicación y llevala a espacios onde nun llegaba y pueda tar de forma tresversal”.

Esta idea de fondu ye un vezu nestar organización que dende’l so entamu trabaya pola normalización y presencia del idioma en toles estayes de la sociedá civil.

La entidá collaborará cola empresa xixonesa “Bayura Asturies Craft Beer”, fabricadores asturianos de cerveza artesano y nietos de la emblemática cerveza “La estrella de Gijón”.

Como dirán na so propia páxina web: “Nacimos pensando en facer cerveces de calidá, alloñandose de los productos mas comerciales, emplegando les meyores materies primes, camentando nel mediu ambiente y nel orixe, d'onde venimos y a onde vamos”. Too una declaración d’intenciones.

La rueda de prensa tendrá llugar esti martes 21 a les 17:30 nel Conseyu de Mocedá de Xixón (Avenida Manuel Llaneza, 68) cola presencia del director de Bayura, Serxu Solares y el presidente d’Iniciativa pol Asturianu, Inaciu Galán.

¿Quiéres comentar? Identifícate o Registrate

También en El Búscolu