N'Ast agradez a Andecha Astur la so coherencia cola llingua asturiana

Publicada por Redacción Búscolu el 22/05/2015 17:33:30

L'anuncia de qu'Andecha Astur cuntará con papeletes elleutorales n'asturianu nestes prósimes elleiciones supón una nuea espresión de compromisu y enfotu d'Andecha Astur pa cola llingua asturiana.

La validación de les papeletes n'asturianu pa estes elleiciones, perafita a Andecha Astur comu la única opción asturiana nestes elleiciones, non solo porque'l restu del asturianismu nun toviere capacidá pa presentase, sinon porque ye la única que cuntará con papeletes na nuesa llingua nacional.

Dende N'Ast queremos agradecer a Andecha Astur esta nuea espresión de compromisu y enfotu, al empar que denuncia la situación represiva que carecemos n'Asturies, onde la mesma Xunta Elleutoral Provincial que nun tuvo más remediu que validar les papeletes d'Andecha Astur non solo nun saca papeletes n’asturianu del conxuntu les organizaciones polítiques que se presenten a les elleiciones, sinon que prohibe espresamente qu’estes papeletes puedan ufrise nos Colexos Elleutorales el díi de la votación.

Per otru llau, Andecha Astur considera persignificativu'l silenciu d'otres muerganizaciones en "defensa de la llingua" qu'achanten comu afogaos énte estos fechos, y que non solo nun agradecen públicamente esti trunfu d'Andecha Astur, sinon que nun-y piden desplicaciones al restu de candidatures que se presenten cola candidatura únicamente n'español, nin a la Xunta Elleutora Provincial pol calter represivu de la so actuación.

¿Quiéres comentar? Identifícate o Registrate

También en El Búscolu