El Serviciu de Normalización Llingüística de la Comarca de la Sidra, en collaboración cola asociación de muyeres de Bimenes 'Ente Muyeres', entama pa esti próximu martes 6 d'ochobre, nel centru social de Martimporra, a partir de les 17:00 hores, el taller 'Pallabreru de la naturaleza'.
Nesti taller, que contará cola presencia de Pablo Suárez, del SNLL de la Comarca de la Sidra, y Eva Bardón, esperta en plantes medicinales, los participantes podrán averase a los elementos animales y vexetales de la naturaleza asturiana al traviés del vocabulariu que la designa y la so etimoloxía, repasando’l significáu y los usos culturales de les animales y plantes.
El taller ye de baldre y abiertu a toa aquella persona interesada, y nun siendo necesaria la inscripción previa.
0 Comentarios
Esta noticia todavía no tiene comentarios
Comentar la noticia
El email no será publicado