Resulta llamentable que tuvieren qu’esperar a que Andecha Astur los punxere n’evidencia, p’anunciar les necesaries actuaciones." lang="es">

Esperamos qu’el “Principado” cumpla la so pallabra sobre Bañugues

Publicada por Redacción Búscolu el 04/03/2015 12:55:05

Resulta llamentable que tuvieren qu’esperar a que Andecha Astur los punxere n’evidencia, p’anunciar les necesaries actuaciones.

Andecha Astur considera positivamente l’anunciu de la conseyería de Fomentu, Ordenación del Territoriu y Mediu Ambiente nel sen de que piensa costruyir una escollera pa protexer el yacimientu arqueolóxicu de “Trés la Ilesia”, y espera que dichu anunciu vaiga acompangáu d’actuaciones riales y que nun se trate d’una maniobra más de distraición.

P’Andecha Astur resulta llamentable qu’esta anunciada actuación tuviera qu’esperar a qu’esta organización consiguiera que’l Gobiernu español respondiera a les sos entrugues y afitara que la responsabilidá de la proteición y caltenimientu d’esti yacimientu arqueolóxicu depende puramente del “Principado” y del Conceyu de Gozón, al topase fuera del dominiu públicu marítimu-terrestre.

Nel mesmu sen considera raspiando colo patético que dempués de la claridá de la rempuesta del Gobiernu español la conseyera de Fomentu, Belén Fernández, siga pretendiendo responsabilizar al Ministeriu de Mediu Ambiente de la falta de proteición del yacimientu frente a los envites de la mar, cuandu ye necesariamente sabeora -a lo  menos tres la rempuesta llograda por Andecha Astur- de que dichu yacimientu ta fora del mentáu dominiu públicu so responsabilidá Estatal.

¿Quiéres comentar? Identifícate o Registrate

También en El Búscolu