El fraude d'El Musel acaba na Audiencia Nacional

Publicada por Redacción Búscolu el 05/02/2015 22:57:54

Talo comu anunciare Andecha Astur, l'Estau español vióse obligáu abrir dilixencies pol fraude d'El Musel pa poder tener opción a recuperar les sovenciones retiraes por la OLAF

Areces y el so gobiernu (PSOE-IU), ente otros, tendrán que responder énte l'Audiencia Nacional pol fraude d'El Musel, talo comu desixía la OLAF na sentencia emitía tres la dencunia presentada por Andecha Astur y que tantu'l gobiernu Español comu'l "Principado" intentaron ignorar.


D'entós p'acá asistimos a un auténticu circu mediáticu, nel que'l "Principado" fexo lo imposible por minimizar la so responsabilidá, l'Estáu español quinxo desentendese del tema, ya inclusu hebio dos formaciones polítiques qu'usaron la sentencia de la OLAF pa sacar gayatu mediáticu: Podemos y Ciudadanos, que presentaron sendes denuncies nel xulgáu a sabiendes de que nun teníen denguna viabilidá, pero que rentabilizaron nos medios de comunicación "asturianos" de forma espeutacular, de tala miente que tovieren más protagonismu ellos qu'Andecha Astur, pesia ser nós los denunciantes,  los que xeneremos tol procesu seguíu pola OLAF y los que siguiemos faciendo un llabor continu de denuncia de la pasividá del Estáu español énte la OLAF, y d'acosu al mesmu Estáu español al traviés de les estremaes entrugues presentaes pol senaor Jon Iñarritu.


A la fin, y talo comu lleva Andecha Astur afirmando dende un entamu, si l'Estáu español quier intentar recuperar les sovenciones retiraes pola XE a consecuencia de la nuesa denuncia énte la OLAF, nun-y quedó otra qu'abrir dilixencies pol fraude d'El Musel.


Una vuelta más, y anque'l boicó mediáticu al que ta sometía Andecha Astur ye pergrande, el nuesu llabor acaba dando resultaos, nun fraude, que tovía ta escomenzando a siñalar responsabilidaes.

¿Quiéres comentar? Identifícate o Registrate

También en El Búscolu