YE ASTURIES. Deféndite!

Comentar

NOTICIAS RELACIONADAS

Ofertas descenso del sella en oriente de Asturias
Patrocinio Cogersa

Publicada por Redacción Búscolu el 08/05/2015 22:02:09

Entamemos la campaña elleutoral cola tradicional pegada de cartelos na que participó Paulo Arboleya, candidatu nacional d'Andecha Astur.

Con un llema integraor "YE ASTURIES" col que quier tresmitise la importancia de poner perriba de too los intereses del país, y una llamada a la aición "deféndite" enfocada en primera presona, pa dar puxu a la idega de que la defensa de lo individual tien de llevar apareyao la de lo colleutivo, Andecha Astur entama una nuea campaña elleutoral na que se presenta comu la única alternativa política nacionaliega.

Precisamente por esa condición de "esclusividá" nestes elleiciones nacionales, el mensaxe a tresmitir pretende ser un puntu d'alcuentru necesariu ente les munches sensibilidaes que se mueven alrodiu de la identidá asturiana y el soberanismu, recordando y recordándomos qu'a la fin l'oxetivu ye común, YE ASTURIES, y qu'el nuesu futuru, tantu a nivel individual comu colleutivu, pasa pola defensa del nuesu país.

Esta campaña, comu nun pue ser d'otra miente, sedrá discreta yá que nun sobren los recursos económicos, y ye más qu'esperable que continúe la falta de seguimientu polos medios de comunicación de les nueses actividaes y propuestes, pero sedrá una campaña ambiciosa nel sen de que fadremos por cumplir lo meyor posible cola responsabilidá que da ser la única alternativa nacionaliega nestes elleiciones nacionales.

¿Quiéres comentar? Identifícate o Registrate

También en El Búscolu