Arranca’l Formientu En Casa Fest

Arranca’l Formientu En Casa Fest

Publicada por Redacción Búscolu el 18/03/2020 13:34:36

Arranca’l #FormientuEnCasaFest, con actividaes diaries alredor de la cultura asturiana dende casa

Más d’una decena d’actividaes van llevase alantre p’animar el pasu del asillamientu de la sociedá asturiana y poner en valir la cultura asturiana

La plataforma lliteraria Formientu.com pon en marcha estos díes y coincidiendo cola aisllamientu de la población pola mor del andanciu de coronavirus, un ciclu cultural embaxo’l títulu #FormientuEnCasaFest. La idea d’esti festival virtual ye ufrira la xente actividaes lliteraries y culturales que valgan pa face-yos pasar el tiempu d’esti enzarru nes cases y poner en valir la importancia de la cultura asturiana y la llingua asturiana nun momentu como esti.
El festival tien previstes actividaes dende esti miércoles 18 y hasta’l llunes 30 de marzu,
anque la idea ye siguir ampliando programación mientres dure la cuarentena nes cases y
en función del ésitu de la convocatoria. Les actividaes van facese al traviés de cámara web y en directo dende les cases de los protagonistes de cada actividá,

Nun videu emitíu esta tarde, los coordinadores d’esti #FormientuEnCasaFest, Inaciu Galán, de Cuatro Gotes Producciones, que xestiona Formientu.com, y Diego Solís, codirector de la revista Formientu, anunciaron los conteníos d’esti festival lliterariu y cultural que se pon en marcha gracies a la collaboración de les persones moces de la cultura que de forma desinterasa se sumaron a esta convocatoria.

Ente la programación qu’arranca esti miércoles 18 con un recital del propiu Diego Solís, van celebrase charres sobre teatru, wikipedia o lliteratura con autores como Alba Carballo, Víctor Suárez o Sergio Buelga, conciertos de pequeñu formatu con Silvia Quesada, María Llatrores, Antón Martínez o’l llionés Fran Alegre y cuentacuentos con Maggy,presentaciones de llibros, como la del nuevu llibru d’Inaciu Galán, y otres actividaes que yá se concretaron nun calendariu fechu públicu güei, y que podrá ampliase según avance’l procesu d’asillamientu.
L’enllaz nel que van poder vese les actividaes ye’l siguiente:
https://www.facebook.com/formientu/

Programación

NOTA PRENSA

#FormientuEnCasaFest

(Cásique toles actividaes son a les 19 hores na páxina de Facebook de Formientu)

Miércoles 18
- Diego Solís > Recital-presentación: Poemes del llibru "Cállanos con esa música".
Xueves 19
- Alba Carballo > Charra: Averándonos a Montesín y a María Xosefa Canellada.
Vienres 20
- Silvia Quesada > Conciertín en solitariu.
Sábadu 21
- Inaciu Galán > Presentación-llectura del llibru ”Cartes nel horru (y delles hestories más)".
Domingu 22
- Alfredo González > Alcuentru músicu-lliterariu.
Llunes 23
- Sergio Buelga > Charra: Telva y Pinón nel teatru.
Martes 24
- Raquel F. Menéndez > Charra: Delles (re) llectures.
Miércoles 25
- Xaime Martínez > Música y poesía.
Xueves 26
- Víctor Suárez > Charra: #QuedaEnCasa, edita en Wikipedia.
Vienres 27 - María Llatores > Conciertín.
Sábadu 28 - (12:00) Maggy > Cuentacuentos pa la reciella.
- (19:00) Blanca Fernández >
Domingu 29 - Antón Martínez > Conciertu: Música pa la mocedá.
Llunes 30 - Fran Alegre > Recital-conciertu: Poesía ya música dende

¿Quiéres comentar? Identifícate o Registrate

También en El Búscolu