Darréu entama una campaña de boicot a Coca-Cola n’Asturies

Publicada por Redacción Búscolu el 02/02/2014 00:00:00

Dende la Mocedá d·Izquierda Soberanista Darréu entamamos una campaña de boicot de Coca Cola n·Asturies col envís de presionar a la empresa pa que caltenga l·actividá na planta de Cualloto,

Anque persabemos que la voluntá de la multinacional nun pasa por caltener la planta asturiana y les opciones d·aparar esti desmantelamientu son cuasi que nules. Asina, queremos presionar a la empresa pero tamién castigar el so despropósitu de desmantelar la fábrica de Cualloto y dexar n·una situación pergrave a cientos de families.
Per otru llau queremos tresmitir que la nuesa postura de boicotear los productos Coca Cola ye coherente nel mesmu intre qu´esti pieslle de factoríes en tol estáu nun respuende a una decisión tomada por perdides económiques o falta de consumu del producto, sinon que ye una desllocalización en toa regla. Ye dicir, quier desmantelar la estructura industrial de la empresa n·Asturies y l·estáu pa llevar la produción a países nes que les condiciones llaborales y de vida son entá más pésimes y onde la empresa puede multiplicar los sos yá alloriantes beneficios.
Asina, queremos unviar la nuesa solidaridá a los y les trabayadores de Cualloto y pidir a la empresa que reconsidere esti determín. El Pueblu Asturianu tien de castigar a esta empresa si a la fin nun atiende a les xustes demandes de la plantilla, la hostelería asturiana y la sociedá nel so conxuntu. Recordar tamién que Coca Cola, iconu mundial del imperalismu yanki, atenta contra la salú pública de les persones, el mediu ambiente y los drechos humanos, llegando a estremos como contratar pistoleros p·asesinar sindicalistes en países como Colombia.
Pa finar, queremos recordar tamién qu·esta ye una manifestación o consecuencia más de la "flexibilidá llaboral" qu·ufren les reformes llaborales empobinaes por PSOE y PP nos caberos años. El capitalismu sigue dotándose de llegalidá y ferramientes d·opresión pa sangrar y oprimir al Pueblu Trabayador y por supuestu, el gobiernu del Principáu de supuestu calter "socialista" nun fai nada, namái collaborar y ser cómpliz nesti desmantelamientu a tolos niveles que tamos viviendo, daqué qu·evidencia el so papel sucursalista.
¡NUN BEBAS COCA COLA! ¡CUALLOTO SOLUCIÓN

 

 

 

 

¿Quiéres comentar? Identifícate o Registrate

También en El Búscolu