FIESTES DEL CORPUS EN VILLAMAYOR Y DE SAN ANTONIO EN PILOÑETA PA ESTI FIN DE SELMANA

       Col veranu cada vez más cerca, el calendariu festivu empieza a
animase nos distintos conceyos asturianos. Asina, pal fin de
selmana que vien el pueblu piloñés de Villamayor celebra les sos
tradicionales Fiestes del Corpus, qu·entamen el xueves día 11 cola
misa solemne n·honor de tolos socios difuntos y van prollongase
hasta la romería nel prau del llunes 15.

Ente medies, cuatro verbenes amenizaes por orquestes como Top Leader o Acuarela, amás de l·actuación de Francisco Cordón.

     Pola so parte, el guapu llugar navetu de Piloñeta celebra tamién
esti fin de selmana, de sábadu a domingu, les sos fiestes dedicaes a
San Antonio, con actividaes como·l primer concursu de tortielles, la
procesión n·honor del santu o la puya·l ramu, amás de les
correspondientes verbenes a la noche.