Iniciativa pol Asturianu muestra’l so pesar pola muerte de Luis Arias Argüelles-Meres

Iniciativa pol Asturianu muestra’l so pesar pola muerte de Luis Arias Argüelles-Meres

Publicada por Redacción Búscolu el 21/01/2021 21:24:34

L’escritor participó en 2019 nel Seminariu "Oficialidá, el camín constitucional de futuru pal asturianu" onde defendió esta midía pa la llingua asturiana. Dende Iniciativa pol Asturianu queremos agradecer esa defensa del idioma y de la oficialidá pal nuesu idioma

Luis Arias Argüelles-Meres morrió de forma prematura a los 63 años nel so Llaniu natal, nel conceyu de Salas. Él mesmu definíase nos sos perfiles de redes sociales como "un profesor qu'escribe, o un escritor que pon clases (lo que s'imparte son bendiciones)". 

Luis Arias foi Premiu Asturies de la crítica na modalidá de columnismu lliterariu, de l'Asociación d'Escritores d'Asturies y yera profesor de llingua castellana y lliteratura nel IES "César Rodríguez" de Grau. Llogró'l doctoráu embaxo la dirección del profesor Fernández Insuela, sobre "Manuel Azaña y la Literatura: Crítica y Creación Literaria".

A lo llargo de la so trayectoria demostró un sofitu a la llingua asturiana, la so llingua materna y
na que'l so pá, Manuel Arias "Antón de la Braña", foi escritor nos años más duros del franquismu.

L’escritor participó d'actividaes reivindicatives como’el Seminariu de 2019 “Oficialidá, el camín
constitucional de futuru pal asturianu”, entamáu por Iniciativa pol Asturianu, onde defendió esta midía pa la llingua asturiana y la importancia y el papel de los medios de comunicación na normalización social del asturianu.

Dende Iniciativa pol Asturianu queremos agradecer esa defensa del idioma y de la oficialidá pal
nuesu idioma, faciéndolo siempres con argumentos y con respetu.

¿Quiéres comentar? Identifícate o Registrate

También en El Búscolu