Iniciativa pol Asturianu retoma los grupos de fala n’asturianu

Nesta ocasión ufiértense dos grupos con dos horarios estremaos, de mañana y de tarde, pa favorecer la participación.

Iniciativa pol Asturianu torna a facer los grupos de fala n’asturianu. Un añu más, en collaboración col Conseyu de la Mocedá de Xixón, entamamos un grupu de fala de baldre y
abiertu a toles persones que quieran participar.

Esta estaya de conversación ta empobinada a toles persones que quieran perder el mieu a falar en públicu y practicar les sos conocencies nun ambiente informal nel que nun importa’l nivel d’usu o conocencia. Esti grupu nun ye una clas d’idioma, sinón un espaciu nel qu’aconceyar tranquilamente y falar na to llingua, ye dicir, l’asturianu.

Va tener llugar nel Conseyu de la Mocedá de Xixón, na cai Manuel Llaneza 68, baxu (33208) tolos llunes n’horariu de mañana de 12:00 a 13:00 y pela tarde de 19:00 a 20:00