LA SIDRA pide que s·excluya la sidre de la normativa del botellón

Publicada por Redacción Búscolu el 02/02/2012 00:00:00

El consumu de sidre en llugares públicos forma parte de la nuesa rialidá sociocultural y tien de ser respetada.

LA SIDRA vien de solicitar al Ayuntamientu Xixón que se recueya espresamente comu esceición na ordenanza del “botellón”, el consumu sidre en llugares públicos, darréu qu·esti siempres foi tradicional na nuesa ciudá lo mesmo que nel conxuntu·l país y enxamás nun
dio llugar a los problemes que se-y acoten al “botellón”, nun pudiendo considerase en dengún casu comu un problema de salú pública, sinon comu espresión de la nuesa ancestral cultura sidrera que non solo tien de ser abellugada y respetada, sinon incentivada na midía lo posible.

Dende LA SIDRA somos coscientes que talo comu afirmó l·edil de seguranza ciudadana, l·actual borraor tomare comu referencia les ordenances de ciduades comu Barcelona y tamién un testu marcu de la Federación Española de Municipios y Provincies (FEMP), y atalanta que por eso nun recueye la singularidá de la sidre, pero considera que nun se trata de facer una vuelta más un meru calcu de disposiciones españoles n·Asturies, sinon d·afayales a la nuesa rialidá sociocultual recoyendo concretamente la esceicionalidá del consumu sidre en llugares públicos.

Pa LA SIDRA resultaríe llamentable que comu consecuencia de les dimposiciones pa controlar el vezu foriatu del botellón, en función de los problemes de sanidá público que se-y atribúin, acabe perxudicándose una de les nueses espresiones culturales más auténtiques, talo comu intentaren n’anteriores corporaciones cuandu quinxeren torgar echar sidre fuera de los establecimientos hosteleros.
 

Llucía Fernández Marqués
Revista LA SIDRA

¿Quiéres comentar? Identifícate o Registrate

También en El Búscolu