Remembra que la situación predemocrática que carez la nuesa llingua débese ente otres custiones, al incumplimientu de les promeses elleutorales por parte d·IU.

Dende N·Ast vemosmos obligaos a denunciar comu hipócrita y contradictoriu l’usu mediáticu de la reivindicación llingüístico que se vien rializando dende Izquierda Unida, considerando una desvergoña que·l diputáu d·IU, Gaspar Llamazares presente a la Mesa del Congresu
de Madrid cuatru entrugues n’asturianu y castellanu, cuandu precisamente ye culpa de los incumplimientos d·IU el que l·asturianu nun seya llingua oficial n·Asturies, y per ende, de llibre usu nel Congresu español.

N·Ast quier remembrar qu·IU dempués de prometer la Oficialidá de la llingua asturiana en diverses convocatories elleutorales, incumplió sistemáticamente esti compromisu a la hora de negociar la so participación nel gobiernu del “Principado” col PSOE, renunciando a la
oficialidá y siendo cómpliz de la represión llingüística a cambiu d·una riestra de prebendes polítiques y económiques.

Ello asina, N·Ast fai un llamamientu, sinon a la coherencia por parte d·IU, si a lo menos a un mínimu de dignidá y vergoña, de tala miente que los que son responsables en primer grau de la situación predemocrática que carez la nuesa llingua, nun se pretendan presentar agora comu defensores de la mesma.

Fdo.- Mª Dolores Suárez Presidenta de N·Ast.