El nuesu eurodiputáu de Los Pueblos Deciden robló la propuesta de declaración "Protection and Promotion of Regional and Minority Languages in the EU".
Josu Iñarritu, l'eurodiputáu de Los Pueblos Deciden apautóse col documentu que comu diz el so nome, gueta la Proteición y Promoción de les Llingues minoritares na XE. Trátase d'un documentu especialmente interesante p'Asturies dao la situación de represión llingüística que carecemos y que caltién a la nuesa llingua nuna situación prósima al esaniciu.La Declaración solliña que na Xunión Europea viven más de 40 millones de presones que falen más de 60 idiomes amenorgaos y rexonales; tamién denuncia les torgues qu'esisten pa la sobrovivencia d'estes llingües y amiesta que n'Europa hai 49 idiomes (ente ellos l'asturianu) en riesgu d'esaniciu.
Remembrando'l "Informe Alfonsí " aprebáu en 2013 pol Parllamentu Européu, la Declaración pide a la Comisión Europea aiciones y fondos enconómicos pa la promoción y proteición de les llingües y pide-y que llame a les autoridaes nacionales a faer lo mesmo.
Informe Alfonsí: François Alfonsí, eurodiputáu nacionaliegu corsu, presidente actual d'Alianza Llibre Europea; promovió'l "Informe sobro les llingües europees menacies d'esaniciu y la diversidá llingüístina na Xunión Europea" aprebáu nel Parllamentu Européu en 2013. En dichu informe siñalámbese les exes pal desendolcu de polítiques favoratibles a les llingües amenorgaes.
0 Comentarios
Esta noticia todavía no tiene comentarios
Comentar la noticia
El email no será publicado