Taller d asturianu en Bimenes

Taller d asturianu en Bimenes

Publicada por Redacción Búscolu el 22/09/2020 23:52:29

El Serviciu de Normalización Llingüística de la Comarca de la Sidra, en collaboración col conceyu de Bimenes, abre plazu d'inscripción pa un nuevu taller d'asturianu que se va impartir na casa la cultura de Martimporra tolos martes, de 18:00 a 20:30, ente'l 13 d'ochobre y el 22 d'avientu, con posibilidá d'aumentar el so llargor si l'alumnáu tuviere interesáu.

Enfocáu dende una perspectiva práctica y coaprendizaxe, el cursu va empobináu a toles persones que quieran iniciase y tamién perfeccionar el so nivel d'asturianu, tando abiertu tanto a xente que lo desconoza dafechu como a los que, conociéndolo de casa, quieran perfeccionalo y deprender a falar y escribir curioso, dando una atención especial a tola producción cultural actual que se val d'esta llingua.

La inscripción ye de baldre y pue formalizase, hasta'l mesmu 13 d'ochobre, al traviés del teléfonu del ayuntamientu de Bimenes 985700004 (peles mañanes) o bien escribiendo un corréu electrónicu a la dirección del SNLL Mancosi, normastur@lacomarcadelasidra.com.

¿Quiéres comentar? Identifícate o Registrate

También en El Búscolu