Vanesa Gutiérrez nos talleres de llectura n'Asturianu de Bimenes

Publicada por Redacción Búscolu el 10/03/2016 23:38:00

Los alcuentros col autor de los talleres de llectura n'asturianu de Bimenes, qu'entama'l Serviciu de Normalización Llingüística de la Comarca de la sidra en collaboración cola asociación de muyeres de Bimenes Ente Muyeres, acueyen esti próximu martes, 15 de marzu, a les 15:30 hores, nel centru social de Martimporra, a la poeta y periodista Vanesa Gutiérrez (Urbiés, 1980). 

La autora ye de sobra conocida pol públicu asturianu tanto na so faceta lliteraria como na periodística. Nel so llabor poéticu destaca con poemarios como Onde seca l’agua, La danza la yedra, poesía qu’axunta n’antoloxía billingue La quema publicada por Trea. Nel alcuentru del martes, Vanesa falará al rodiu de La cama, obra narrativa publicada por ámbitu nel añu 2008.

¿Quiéres comentar? Identifícate o Registrate

También en El Búscolu