Andecha Astur reclama la paralización de les actividaes de Asturgold y dimisión de los responsables del “Principado”

Publicada por Redacción Búscolu el 06/06/2014 18:41:25

La sentencia de la TSXA reconociendo la razón de la Plataforma ORO NON, pon n’evidencia la parcialidá del “Principado” nesti casu favoreciendo a la multinacional.

Andecha Astur quier amosar la so satisfaición pola sentencia de la TSXA dando la razón a la Plataforma ORO NO na demanda presentada escontra’l “Principado” sobro la caducidá instada por dicha Plataforma escontra les concesiones mineres d’ASTURGOLD denominaes GRUPU SALAVE, y atalanta que les responsabilidaes polítiques de la parcialidá nesti casu del “Principado” son tan evidentes que necesariamente tuvieren de tener repercusiones polítiques en forma de dimisión de los responsables d’esta amuesa de parcialidá interesada, na que se reflexa la complicidá del gobiernu del “Principado” con Asturgold.


La sentencia dexa patente que’l “Principado” inalmitió de manera illegal los pidimientos de caducidá presentaes por ORO NO, lo que supon una preba más del tratu illegal y de favor que recibe Asturgold per parte del “Principado”.


Andecha Astur reclama la paralización de les desvastaores actividaes d’Asturgold nel nuesu país y reivindica la conservación y desendolque del patrimoniu natural, paisaxísticu, cultural y socioeconómicu, en seriu pelligru de llevase a cabu l’apertura de les mines d’oru.

¿Quiéres comentar? Identifícate o Registrate

También en El Búscolu