Con estes pallabres calificó Fernán Gonzali, responsable de la estaya llaboral d'Andecha Astur, la muerte d'otru trabayaor d'Astilleros Armón.
Con tres muertos en menos de dos años, Fernán Gonzali denunció la precariedá llaboral na que s'afayen los trabayaores d'esti astielleru comu causa principal d'estes desgracies "llamentablemente trabayando nuna situación de precariedá llaboral, a nivel de subcontrates, ensin tener garantizaos tolos drechos llaborales y ensin una plantía normalizada, estos fechos seguirán produciéndose".
El postrer fallecíu n'Astilleros Armón, yera trabayaor d'una empresa de caltenbimientu, subcontrata d'Armón en Xixón y Navia.
Fernán Gonzalei fexo tamién referencia al xabaz desmantelamientu del Seutor Naval n'Asturies, colo que supunxo non solo de destruición del texíu económicu asturianu,y la perda de puestos de trabayu, sinon tamién la d'un sindicalismu activu y comprometíu que foi exemplu tantu de llucha obrera comu de defensa de les garantíes llaborales de los trabayaores. "Los que llegaron a encarcelar a sindicalistes del Naval por defender el so puestu de trabayu, daqué tendrán que dicir agora".
L.jpg)
0 Comentarios
Esta noticia todavía no tiene comentarios
Comentar la noticia
El email no será publicado