Asturies Arde. Charra-Alderique. Información

Asturies Arde. Charra-Alderique. Información

Publicada por Redacción Búscolu el 10/02/2016 22:50:29

Esti vienres 12 febreru, de magar les 20 hores, cellebraráse nel llocal d'Andecha Astur n'Uviéu una Charra-Alderique alrodiu de los incendios forestales, cola intervención de José Manuel Lago, miembru del Conseyu del Fueu d'Asturies representando a les organizaciones ecoloxistes.

Dempués del desastre que supunxeron los incendios forestales d'hai unos meses nel nuesu país, controlaos práuticamente por fautores ambientales -"Tamos esperando que llueva" dixera Javier Fernández-, y comprebando una vuelta más cómu esti desastre nun valió nin pa que'l "Principado" replantegara la so política forestal cola que ta sustituyendo la viesca autóctona asturiana por pinos y ocalitos, nin pa que se xenerara un alderique seriu sobro les causes y les igües d'esti problema qu'añu ente añu va a más, la Estaya de Mediu Ambiente d'Andecha Astur entama esta charra alderique que tien comu protagonista a José Manuel Lago, reconocíu miembru del movimientu ecoloxista asturianu, que forma parte del Conseyu del Fueu d'Asturies en representación de les organizaciones ecoloxistes del país.

La Charra-Alderique tendrá llugar el vienres 12 febreru, de magar les 20 hores, nel llocal d'Andecha Astur n'Uviéu (Paraisu 20), y l'asistencia ta abierta a toa presona interesao nel tema.

¿Quiéres comentar? Identifícate o Registrate

También en El Búscolu