Patétiques menacies de Laureano Lourido

Publicada por Redacción Búscolu el 22/02/2016 22:27:31

El presidente de l’Autoridá Portuaria de Xixón menacia a Andecha Astur a “sangre y fuego” poles denuncies que llevaron a la imputación xudicial de dos es-direutivos d’El Musel.

Nuna entrevista espublizada por LNE,  Laureano Lourido, que lliga’l so futuru al de los dos imputaos, Menéndez Rexach y Díaz Rato, menacia con un “a mi señal, sangre y fuego”, escontra los protagonistes de les denuncies escontra’l fraude d’El Musel que llevaren a la intervención de la OLAF y qu’agora mesmo tan poniendo n’evidencia la esistencia de toa triba de chamullos, el postreru, l’entamáu alrodiu del programa “A Ver la Ballena” que motivó va unos díis la visita del fiscal anticorrupción a l’Autoridá Portuaria, daqué a lo que Lourido quita importancia afirmando que son “120.000 euros nada más”.

La dinámica mafiosa xenerada al rodiu’l PSOE n’Asturies esprésase de nueu coles menacies de Laureano Lourido, actual Presidente de l’Autoridá Portuaria de Xixón, a Andecha Astur, Los Verdes d’Asturies y Raimundo Abando por mor de les denuncies que llevaren a la imputación xudicial de dos es-direutivos del Puertu de Xixón.

Dende Andecha Astur, que llevamos recibiendo menacies asemeyaes ––y en dalgún casu con actuaciones concretes- con otros casos comu’l Pozu Nicolasa o’l PGOU de Llanes, nun podemos menos que llamentar el pocu xacíu d’eses menacies no que debiere ser un contestu democráticu, y perafitámos na nuesa dinámica de siguir denunciando la corrupción y los fraudes ellí onde se produzan, y en defensa de los intereses d’Asturies y el pueblu asturianu

¿Quiéres comentar? Identifícate o Registrate

También en El Búscolu