VI edición de los Cursos d’Asturianu en Xixón

Publicada por Redacción Búscolu el 26/01/2015 18:57:44

La sesta edición de los Cursos d’Asturianu en Xixón inaugúrase güei con 50 matriculaos, dellos a distancia dende llugares como Arxentina, Estaos Xuníos o Bélxica

Un representantes de l’Academia de la Llingua Asturiana inaugurará a les 19 hores los Cursos, nel Conseyu de la Mocedá de Xixón

Iniciativa pol Asturianu, el CUPA y l’Academia de la Llingua Asturiana (ALLA) entamen esta tarde la sesta edición de los Cursos d’Asturianu en Xixón. La inauguración de los cursos sedrá güei, llunes 26 de xineru a les 19 hores nel Conseyu de la Mocedá de Xixón (Avenida Manuel Llaneza 68, baxu).

Na inauguración de los cursos van participar, xunto a los alumnos, Pablo Xuan Manzano, miembru de l’Academia de la Llingua Asturiana, Javier Cubero, del Conceyu Universitariu pol Asturianu ya Inaciu Galán, presidente d’Iniciativa pol Asturianu.

Iniciativa pol Asturianu valora mui positivamente esta esperiencia formativa que s’entama per quinta ocasión en collaboración cola Academia de la Llingua Asturiana y que tuvo una perbona acoyida, con más de mediu centenar de matriculaos. 

Nesta edición hai alumnos matriculaos, que siguen el cursu a distancia al traviés d’una plataforma de cursos en llinia basada en Moodle, dende países como l’Arxentina, Estaos Xuníos o Bélxica. Dellos son asturianos emigraos o fíos d’emigrantes asturianos, pero tamién hai alumnos qu’ensin tener rellación con Asturies quixeron interesase por esta llingua europea cada vegada más conocida internacionalmente. 

Los cursos cunten con 36 hores llectives y van celebrase los llunes y miércoles pela tarde.

¿Quiéres comentar? Identifícate o Registrate

También en El Búscolu