Las asociaciones Faceira e Iniciativa pol Asturianu ponen en marcha la campaña #FalamosIgual para concienciar sobre la unidad lingüística asturleonesa

Las asociaciones Faceira e Iniciativa pol Asturianu ponen en marcha la campaña #FalamosIgual para concienciar sobre la unidad lingüística asturleonesa

Publicada por Redacción Búscolu el 28/07/2020 19:51:06

La campaña quier dar un mayor conocencia social de la realidá llingüística común ente Asturies y Llión.

Les asociaciones “Asociación Cultural Faceira” ya “Iniciativa pol Asturianu”, presenten la campaña conxunta #FalamosIgual. Esta va dir publicándose nes redes sociales pa da-y visibilidá a la realidá llingüística común, dando a conocer qu’en Llión, Asturies y otros territorios, compártese una llingua tradicional común que recibe nomes distintos peroque formen el mesmu idioma.

La campaña quier poner en valir esi patrimoniu llingüísticu común desplicando a la sociedá cómo les distintas variedaes del asturllionés (asturianu, n’Asturies, y llionés en Llión) son perfectamente intelixibles ente si, compartiendo gran parte del léxicu y una mesma gramática, asina como una hestoria común.

Otru obxetivu de la campaña #FalamosIgual ye reconocer les variedaes internes de la llingua como un elementu positivu, que nun contradiz la unidá del mesmu, sinón que ye una riqueza.

Asina, falar de llionés o asturianu ye falar de la mesma realidá llingüística con nomes distintos y con rasgos propios, como asocede con toles llingües del mundu, que tan conformaes por distintes variedaes.

La campaña va llevase allantre nes redes sociales a lo llargo de los meses vinientes, con una pallabra común a tol dominiu llingüísticu y una imaxe ilustrativa, con un diseñu atractivu, cada semana, de forma asemeyada a otres campañes entamaes poles entidaes de forma independiente. Las organizaciones van animar a la comunidá de falantes a compartir estes imáxenes, buscando que lleguen al máximu númberu posible de persones.

#FalamaosIgual va incluyir tamién una llamáu a les instituciones, pa que trabayen de forma conxunta en reforciar los llazos culturales y lingüísticos d’Asturies, Llión y el restu de territorios que comparten llingua, con campañes propies, eventos y apoyu recíprocu a iniciatives culturales, nel ámbitu musical, lliterariu, o de la cultura tradicional.

¿Quiéres comentar? Identifícate o Registrate

También en El Búscolu