Iniciativa pol Asturianu exige cambios en la Consejería de Educación para garantizar la inscripción del nuevo profesorado en las listas de asturiano

Iniciativa pol Asturianu exige cambios en la Consejería de Educación para garantizar la inscripción del nuevo profesorado en las listas de asturiano

Publicada por Redacción Búscolu el 16/06/2020 20:16:57

Dende Iniciativa pol Asturianu pidimos que s’axilicen los plazos ya intentar que los qu'acaben esti cursu'l Máster de Formación del Profesoráu se puedan inscribir.

Iniciativa pol Asturianu pidi cambios na Conseyería d’Educación pa garantizar la posibilidá de la inscripción nes llistes de la especialidá d’asturianu del nuevu profesoráu. Diego Solís, representante de la entidá, dixo que “la Conseyería acaba d'abrir les llistes de delles especialidaes. Una d'elles ye asturianu, pero probablemente nun se pueda inscribir parte de la xente con formación pa ello. Los qu'acabaron el máster de formación al profesoráu l'añu pasáu entamaron a trabayar per avientu o xineru porque-yos abrieron tarde la llista dexando ensin profesor a dellos institutos asturianos. Lo que ye absurdo dafechu".

El representante de la organización camentó que “los d'esti añu nun van poder metese por mor de la falta d’axilidá alministrativa na especialidá d’asturianu”. Solís denunció que “dempués de facer una carrera y un Máster tienes qu'esperar 2 o 3 meses a que te firmen un papel que diz que tas capacitáu pa dar clas, lo que puede facer a profesionales perder opciones de trabayu”.

Dende Iniciativa pol Asturianu pidimos que s’axilicen los plazos ya intentar que los qu'acaben esti cursu'l máster se puedan inscribir y evitar la falta profesoráu”. 

¿Quiéres comentar? Identifícate o Registrate

También en El Búscolu