La Conseyería de Fomentu, Ordenación del Territoriu y Mediu Ambiente axudicó’l contratu d’obres p’anovar la conducción de suministru d’agua dende Paladeperre, nel conceyu de Valdés. L’actuación va executala la empresa Vías y Construcciones S. A., con un presupuestu de 2.933.707,64 euros.

El plazu previstu pa la execución de los trabayos ye de 34 meses y calcúlase que l’actuación va beneficiar directamente a unos 8.000 vecinos.

Les obres, que van dexar ameyorar el suministru d’agua potable a la capital del conceyu y llugares d’alredor como Vil.lar, van consistir en sustituyir la tubería actual de trayida ente’l puntu actual de captación en Paladeperre y el depósitu asitiáu nel llugar de Vil.lar, na redolada de L.luarca. Van instalase 11.007 metros de tubería de fundición, que va sustituyir a l’actual de fibrocementu.

El trazáu previstu pa l’actuación ye asemeyáu al actual, anque se modificó en delles partes col fin d’amenorgar les afecciones a la zona de ribera del Ríu Negru, consideráu como llugar d’interés comunitariu (LIC) nel ámbitu de la Rede Natura 2000.