PODEMOS Asturias - Daniel Ripa: «Si gobierna Podemos Asturies el tresporte ente Llugones y Uviéu va ser gratuitu y eso va reducir la contaminación»

Publicada por Pressy el 18/05/2019 08:35:03

Daniel Ripa esplicó que «una de las soluciones que proponemos ye que tolos trayectos ente Llugones, Llugo de Llanera y Uviéu seyan gratuitos.

Planteámoslo dientro de la nuestra propuesta de tresporte de movilidá a un euru na zona central d’Asturies y con tresporte gratuitu nos llugares onde seya necesario lluchar contra la contaminación o onde haya facilidá pa ello por criteriu de cercanía. Ye una propuesta cenciella, clara y factible». Amás, dixo, «va suponer un aumentu de puestos de trabayu. Coles midíes de tresporte que proponemos tamos falando de la creación de cuasi 4.000 puestos de trabayu, directos y indirectos, hasta l’añu 2030. Hai que siguir la estela de países como Luxemburgo, onde’l tresporte públicu yá ye gratuitu».

Pela so parte, Javier Pintado informó de que «dende Somos Siero y dende Podemos Asturies apostamos pol tresporte colectivu como un elementu non solo de movilidá, sinon de salú. Si siguimos col modelu actual de desarrollu, tamos condenando a los vecinos y vecines d’esta zona a la muerte. Nun podemos poner paños caliente a una situación que fai que cada vez apaezan más casos de cáncer». Concretó que «proponemos un aniellu verde pa Llugones que faiga que’l peatón pase a ser el centru de referencia y que’l centru de la movilidá pase a ser el tresporte colectivu».

El cabeza de llista sierense añadió que «la movilidá ente Llugones y Uviéu ye clave; tenemos tren y autobús, hai que trabayar pa qu’haya horarios adaptaos a les necesidaes de la población y que les tarifes seyan asequibles pa tol mundu». A ello hai qu’añadir, afirmó, «que los aparcamientos que se faigan seyan disuasorios, en llugar de crear más y más aparcamientos nel centru del nucliu urbanu».

¿Quiéres comentar? Identifícate o Registrate

También en El Búscolu