Según Palacios, “agora vese por qué en Podemos Asturies tábemos tan enfotaos en dar un pasu más pola oficialidá: porque ye bono non, ye mui bono p’Asturies”. Pal portavoz moráu, los datos d’esti informe oficial demuestren que “tamos falando d’un impactu económicu y de creación d’empleu al nivel de les empreses más grandes d’Asturies”. Amás, señaló que estos datos son “beneficios contantes y sonantes que demuestren que l’esfuerciu que proponíemos pa consiguir la reforma del Estatutu taba más que xustificáu”.

Otra manera, dende Podemos Asturies criticaron que “l’oponese a la creación d’hasta 4.000 puestos de trabayu namás s’esplica dende’l sectarismu y la estrechez de mires”. Y, nesi sentíu dar esta oportunidá por perdida “namás s’esplica dende la falta de voluntá y de proyectu p’Asturies”.

Por tolo anterior, Palacios quier convidar a toles fuercies polítiques a “reflexonar” y señala que dende Podemos Asturies “mantenemos la nuestra disposición a sentanos cuanto primero pa echar alantre esti procesu con tantu potencial pa la nuestra sociedá”.

Por último, dende la formación morada en cuantes a la aparición nel día d’hoi d’esti informe, señalaron al Gobiernu que “habrá d’esplicar por qué lu tenía nun caxón”. Y manifiesten dende Podemos Asturies que con esti informe “se demuestra que la oficialidá ye perfectamente implementable nunos plazos razonables y que nun va haber nengún apocalipsis alministrativu nin económicu, sinón tolo contrario: lo que nun nos podemos permitir ye dexar correr esta oportunidá pa da-y a la nuestra tierra puxu, autoestima y trabayu”.

Alderique con @AsturiesRafa  ???? Mañana 11 de Febreru ? 9:00 h. ???? RPA - t.co/MrWRxZX0rF ???? Alderique políticu… t.co/pWKNzMlsM1

????Nun nos podemos permitir dexar correr esta oportunidá pa da-y a la nuestra tierra puxu, autoestima y trabayu. ????El… t.co/fIKiBPwLAq

????Se demuestra que la oficialidá ye perfectamente implementable nunos plazos razonables y que nun va haber nengún ap… t.co/HJws2jqZXK