PODEMOS Asturias - Lorena Gil celebra «la incorporación de independientes a una candidatura cola que queremos ganar Asturies en mayu»

Publicada por Pressy el 24/04/2019 08:35:07

Por otru llau, mostróse contenta por «asistir a una de les fiestes con mayor tradición n’Asturies, con más de mediu sieglu de vida, que tien un valor cultural enorme y que pon de manifiestu tamién el punxu de los artistes locales, qu’empleen na decoración de los güevos pintos un talentu y un inxeniu que pasa de xeneración en xeneración. Ye un acontecimientu popular nel que s’axunten families y amigos pa compartir mesa, charra, fiesta, y que diz muncho de les poleses y polesos, que saben mantener vives y potenciar les señes d’identidá del conceyu de Siero». Lorena Gil esplicó que «nos sumamos a esta fiesta convidaos polos compañeros y compañeres de Somos Siero, que nestos cuatro años dexaron el pelleyu nel Ayuntamientu y que van siguir faciéndolo pa que’l cuartu conceyu asturianu tenga’l llugar que merez y pa que la política municipal seya más tresparente y, sobre too, que tea centrada nes necesidaes de tol conceyu y non en megalomaníes personales».

Pola so parte, Patricia Serna, númberu dos de la candidatura municipal, aseguró que «en Somos Siero tamos bien arguyoses y arguyosos d’esta folixa de los Güevos Pintos, que sal alantre gracies al enfotu y al esfuerzu de los vecinos y vecines del conceyu, a los artesanos que durante selmanes decoren los güevos y a les asociaciones culturales como El Ventolín, que trabayen muncho por ello». Añadió que «apostamos por potenciar la nuestra cultura sierense y asturiana, y lo que pidimos al Ayuntamientu, que nun ta ayudando muncho, ye que polo menos nun ponga torgues a toa esta xente de La Pola que trabaya por mantener y por potenciar les tradiciones del nuestru conceyu». La candidata concluyó con «un recuerdu cariñosu pa Daniel Suárez, l’entrenador del club Romanón, que güei recibe un homenaxe bien merecíu, al que nos sumamos».

¿Quiéres comentar? Identifícate o Registrate

También en El Búscolu