PODEMOS Asturias - Lorena Gil: «El Plan Integral de Movilidá Sostenible y Segura nun puede esperar más»

Publicada por Pressy el 20/03/2019 10:35:01

La representante del partíu moráu dixo que «dende Podemos Asturies nos comprometemos a mover los mecanismos necesarios pa poner en valor el trabayu participativu lleváu a cau por estos colectivos y pa buscar una solución que satisfaga a los vecinos y vecines». Aseguró que «les instituciones tienen que tar a l’altura de la demanda de la xente que s’organiza pa que la ciudá seya habitable y mire hacia’l futuru».

Yolanda Huergo, candidata a l’Alcaldía, que tamién participó nal alcuentru, señaló que «el Plan de Movilidá supón un claru casu de participación ciudadana, con más d’ochenta colectivos. Xixón tien un capital humano que ye necesario escuchar y poner en valor, y hai qu’agradecer esti trabayu». Asinamesmo, aseguró que «si queremos llegar a un Xixón con esa movilidá sostenible de la que tanto falamos y pola que naguamos tenemos que partir del trabayu realizáu por esti tipu de foros».

Manuel Cañete, representante vecinal y presidente del Foru de la Movilidá, dixo que «valoramos positivamente esti tipu d’alcuentros. Agradecemos la rapidez cola que se contestó a la pitición del Foru. Sabemos que l’Ayuntamientu contestó al requerimientu que fizo’l Principáu y esperamos que los partíos políticos con representación autonómica puedan mover ficha y entiendan lo que tamos planteando». Dexó claro que «volver a la casiella cero diba ser una perda enorme de tiempu y amás tamos ante un procesu de participación que creemos que tien que siguir».

¿Quiéres comentar? Identifícate o Registrate

También en El Búscolu