PODEMOS Asturias - Paula Valero pregunta al Gobiernu asturianu cuála va ser la so posición na negociación nacional de la nueva PAC

Publicada por Pressy el 12/12/2018 08:05:01

La diputada del Grupu Parlamentariu de Podemos Asturies recuerda que «próximamente va haber reuniones pa establecer el Plan Estratéxicu Nacional y interésanos saber cuálu ye’l calendariu que tien Asturies pa trabayar esi plan, porque llueu nun podemos dicir que too nos vien dao dende fuera». Señala que «tamos abiertos a trabayar nesti calendariu, pero’l Gobiernu nun nos ta convocando a reuniones pa qu’Asturies empiece a esistir nel Plan Estratéxicu Nacional, dalgo qu’anguaño nun ocurre. La nuestra organización sí presentó una serie d’alegaciones pa favorecer na Política Agraria Común a les muyeres, pa favorecer una agricultura con un repartu de les ayudes con techu…».

La pregunta rexistrada ye «cuála ye la posición del Gobiernu asturianu respecto a la so participación na ellaboración del Plan Estratéxicu Nacional de la PAC teniendo en cuenta que los díes 22 y 23 de payares empezaron los alderiques na Comisión d’Agricultura y Desarrollu Rural del Parlamentu Europeu sobre los borradores del reglamentu de la futura PAC cola presentación de los tres informes respecto a caún d’ellos, que’l 3 d’avientu acabó’l plazu pa la presentación d’enmiendes a los tres borradores na Comisión d’Agricultura y el 13 d’avientu va acabar el plazu pa la presentación d’enmiendes na Comisión de Mediu Ambiente del Parlamentu Europeu y que, acordies col calendariu previstu, durante’l primer semestre de 2019 los estaos miembros han de presentar un primer borrador de Plan Estratéxicu Nacional, conociendo amás que pal 20 d’avientu convócase una primer reunión a tal fin, y qu’hai una serie de reuniones previstes a lo llargo de los meses de xineru y febreru».

Asinamesmo, la parlamentaria de la formación morada quier saber «cómo s’encaxa la distribución competencial actual en materia d’agricultura y desarrollu rural na ellaboración del Plan Estratéxicu Nacional de la PAC» y «cuálu ye’l calendariu de trabayu del Gobiernu autonómicu pa incluir los aportes y propuestes del conxuntu d’organizaciones interesaes na futura reforma de la PAC».

¿Quiéres comentar? Identifícate o Registrate

También en El Búscolu