PODEMOS Asturias - Representantes de Podemos en trece comunidaes ponen en común esperiencies y propuestes con vistes a les elecciones de mayu

Publicada por Pressy el 15/01/2019 12:05:01

La representación asturiana compartió tamién na capital mañana les sos reivindicaciones pa facer frente al abandonu en materia d’infraestructures que sigue sufriendo Asturies y que se concreta n’agravios como’l peaxe de l’autopista del Güerna o los retrasos nes obres de la Variante de Payares. En clave estatal, Jara Cosculluela, responsable asinamesmo de Feminismos de Podemos Asturies, espunxo que «el Día de la Muyer supunxo l’añu pasáu un puntu d’inflesión na visibilización de la llucha contra la brecha salarial, la discriminación y la violencia contra les muyeres. El 8 de Marzu va ser de nueves ún de los fitos d’esti añu y Podemos va siguir apoyando, na cai y nes instituciones, l’avance de les reivindicaciones feministes a nivel estatal y en toles comunidaes autónomes».

Dende Podemos Aragón, anfitrión del alcuentru d’esti llunes, púnxose de manifiestu que «España ye un país diversu y plural, pero al empar munches de les comunidaes autónomes comparten esmoliciones, problemes y retos futuros. Por eso mesmo consideramos que ye una bona idea empezar a trabayar xuntes, xuntos, y d’un mou sincronizáu y colectivu ente les direcciones de Podemos nes distintes comunidaes».

¿Quiéres comentar? Identifícate o Registrate

También en El Búscolu