En collaboración col Serviciu de Normalización Llingüística de la Comarca de la Sidra, el IES Víctor García de la Concha de Villaviciosa entama una xornada enllena d'actividaes en relación col Día de la Lingua Materna, que se celebra añalmente'l día 21 de marzu.
A les 12:30 presentarase, nel güertu escolar, la campaña 'Calandariu de la Güerta", qu'edita'l Serviciu de Normalización Llingüística. Darréu d'ello, habrá una charra con Xandru Vega, de Skama la Rede y un conciertín del grupu maliayu Melandru.
La esposición 'La llingua na historia', del SNLL, que recuerre la historia de llingua asturiana con especial atención a los conceyos qu'integren la Comarca de la Sidra, queda espuesta nel aulariu B. El Día Internacional de la Llingua Materna tien llugar cada añu dende febreru de 2000 pa promocionar la diversidá llingüística y cultural y el multillingüismu.
La data representa'l día de 1952 cuando los estudiantes, manifestándose pola reconocencia de la so llingua, el bengalín, como una de les dos llingües nacionales del Pakistán d'entós, fueron disparaos y asesinaos pola policía en Dhaka, la capital de lo que ye agora Bangladesh.
0 Comentarios
Esta noticia todavía no tiene comentarios
Comentar la noticia
El email no será publicado