El Conceyu de Villaviciosa ta acabante convocar la cuarta edición del Premiu de Relatos Curtios ‘Xosé Caveda y Nava’concursu que, a pesar de la so mocedá, yá s’afita como ún de los más importantes dientro del panorama narrativu asturianu.
Cada participante va poder presentar una obra, escrita n’asturianu, d’ente 3 y 12 folios, d’acordies colos requisitos qu’establecen les bases del concursu. Los trabayos han presentase ente’l 1 y el 30 d’ochobre de 2020 nel Rexistru del Ayuntamientu de Villaviciosa, o bien mandase per corréu postal a Casa Conceyu de Villaviciosa (Ref. IV Premiu de relatos curtios “Xosé Caveda y Nava” Plaza del Ayuntamientu, 1, 33300 Villaviciosa-Asturies.
El premiu cunta, como n’ediciones anteriores, con una dotación económica de 1000 euros y Manzana de Plata conmemorativa.
Les bases completes pueden consultase en www.villaviciosa.es
0 Comentarios
Esta noticia todavía no tiene comentarios
Comentar la noticia
El email no será publicado