Andecha Astur entruga al Gobiernu español sobro problemes reinales de Gozón

Publicada por Redacción Búscolu el 02/01/2015 23:47:58

Andecha Astur, al traviés del Diputáu Jon Iñarritu –Amaiur- miembru de la coallición Los Pueblos Deciden de la que forma parte, presentó una batería d'entrugues sobro problemes reinales de la collación de Bañugues

La incapacidá, sinón falta de voluntá política, del Conceyu Gozón pa dar rempuesta a múltiples problemes qu'afeuten principalmente a la collación de Bañugues, con un gobiernu municipal cuya incompetencia ye asemeyada a la falta d'iniciatives de la oposición, lo que llevó a una situación de problemes enquistaos indefinidamente.

 Énte esta situación, Andecha Astur tomó la iniciativa pa llograr rempuestes, soluciones y pa que se depuren les oportunes responsabilidaes. Nesti sen, y al traviés del Diputáu Jon Iñarritu –Amaiur- miembru de la coallición Los Pueblos Deciden xuntu con Andecha Astur, dirixóse al Gobiernu español solicitándo-y la rempuesta per escrito a dalgún d'estes temes pendientes, en visu a llograr la información precisa –que la Casa Conceyu Gozón ñega- pa posteriores actuaciones, tantu a nivel européu comu direutamente llegales.

¿Quiéres comentar? Identifícate o Registrate

También en El Búscolu