Celebramos 200 años del nacimientu de Xuan María Acebal y 175 años de llibros n’asturianu con dos actos n’Uviéu

Celebramos 200 años del nacimientu de  Xuan María Acebal y 175 años de llibros  n’asturianu con dos actos n’Uviéu

Publicada por Redacción Búscolu el 27/02/2015 20:02:31

El cementeriu San Salvador y la Plaza La Escandalera van ser los escenarios pa estes celebraciones d’Iniciativa pol Asturianu esti sábadu 28 de febreru

El sábadu 28 de febreru Iniciativa pol Asturianu va entamardellos actos d'homenaxe a la lliteratura asturiana n'Uviéu y coincidiendo con dellos aniversarios. A les 11 hores nel Cementeriu San Salvador d'Uviéu, va celebrase un Homenaxe al clásicu de les Lletres Asturianes, l'escritor Xuan María Acebal, nel 200
aniversariu del so nacimientu. Nel actu lleeránse poemes del autor y diránse unes pallabres alredor de la so figura, xunto al llugar onde descansen los sos restos, no que quier ser un homenaxe a la lliteratura asturiana.

Nesti mesmu sen y con un calter un daqué más divulgativo, los actos van treslladase a la Plaza La Escandalera d'Uviéu, de magar les 12:30 hores. Ellí celebraráse un actu tituláu LLIBROS POR PALLABRES, un homenaxe a los 175 años de llibru n'asturianu, una fecha que tuvo llugar en 2014 y que nun cuntó con nengún tipu de reconocencia per parte de les alministraciones.

Va instalase una muria y puestu informativu d'Iniciativa pol Asturianu na Plaza La Escandalera, onde la xente que s'avere al actu podrá escribir una pallabra n'asturianu na "Muria de les pallabres" regalándo-y un llibru la organización. Una actividá pensada col envís de promocionar les lletres asturianes y la llectura na nuesa llingua.

Dende Iniciativa pol Asturianu animamos a pasar pel puestu a dexar la so pallabra n'asturianu na Muria de les pallabres y a facese con un llibru

¿Quiéres comentar? Identifícate o Registrate

También en El Búscolu