Marga Solares Capellán mándanos información sobre la ruta que fizo el Trasgu Andayón pela costa maliaya.

El Grupu de Montaña Trasgu Andayón de Xixón, entamó la temporada con una ruta que discurrió pela costa maliaya.

Alloñándose de les cordilleres, cumales, vaguaes y collaos polos que tán avezaos a caleyar, esti entrañable grupu anduvo peles rases costeres de Oles y Tazones, completando asina la Ruta del Azabache y la costa de los dinosaurios.

Pa facer el recorríu aún más interesante, Rogelio, el guía, concertó cita pa visitar a la artesana del acebache Begoña, de la empresa Keka Luna.

Agradecémos-y el tratu afayaizu col que nos recibió y nos mostró les sos destreces tallando y puliendo esti preciáu mineral. Tamién pudimos disfrutar de la so compañía y conocimientos na baxada hasta·l pedreru a la gueta de les güelles de los dinosaurios.

Gracies a Rogelio y a Begoña.

Dexámosvos dalgunes semeyes de la ruta.