N·Ast denuncia la incapacidá del sistema educativu pa garantizar los drechos llingüísticos asturianos

En rellación a la espublización de la llista de 500 places de profesores interinos nel enseñu públicu, dende l·Asociación Cultural N·Ast queremos xunimos al colleutivu de profesores en llingua asturiana na so denuncia de que la situación alministrativa d·anguañu implica qu·un total de 22 colexos de la Comunidá Autónoma nun van cuntar, al menos fasta·l díi 3 d·ochobre, con docentes qu·impartan esta asignatura.

Asina una vegada más la llingua asturiana y la comunidá asturfalante tornen a ser marxinaos, yá que numberosos alumnos que deseyen estudiar l·asignatura d·asturianu nun van poder incorporase con normalidá a ésta nestos entamos del cursu escolar. Colo que un drechu fundamentalcomo ye l·estudiu escolar de la llingua materna va ser negáu a munchos neños y neñes d·Asturies.

Dende N·Ast valoramos qu·apura dignificar globalmente l·asignatura de llingua asturiana con toles consecuencies, dende la situación llaboral de los/es profesores, fasta los conteníos académicos,o la estabilidá y estensión de la so ufierta en tolos centros d·enseñu del País.

Fdo.- Mª Dolores Suárez-Presidenta de N·Ast.