L'asturianu énte la reforma del Estatutu: construyendo'l futuru del idioma

L'asturianu énte la reforma del Estatutu: construyendo'l futuru del idioma

Publicada por Redacción Búscolu el 19/05/2021 12:20:13

Iniciativa pol Asturianu entama una mesa redonda baxo’l títulu “L'asturianu énte la reforma del Estatutu: construyendo'l futuru del idioma”. En el encuentro van participar representantes de la FSA-PSOE, PP, Ciudadanos, Podemos, Izquierda Xunida y Foro Asturias

Iniciativa pol Asturianu entama esti sábadu 22 de mayu una mesa redonda baxo’l títulu "L'asturianu énte la reforma del Estatutu: construyendo 'l futuru del idioma" na que van participar representantes de diferentes fuercies polítiques parlamentaries. La organización pretende facer un intercambiu d’opiniones ente los representantes políticos sobre la situación política del idioma y el so futuru.

Nel actu van participar Noelia Macías (diputada de la FSA-PSOE), Álvaro Queipo (diputáu y Secretariu Xeneral del PP d’Asturies), Armando Fernández (diputáu de Ciudadanos), Daniel Ripa (diputáu y Secretariu Xeneral de Podemos Asturies), Ángela Vallina (diputada y vocera parllamentaria d’Izquierda Xunida d’Asturies) y Adrián Pumares (diputáu y Secretariu Xeneral de Foro Asturias).

L’actu va tener llugar esti sábadu, 22 de mayu na Sala 2 de la Llaboral (Cai Luis Moya Blanco, 261, 33203 Xixón, Asturies) a les 11:30 hores y va poder siguise en directo al traviés de la canal de YouTube de la organización.

¿Quiéres comentar? Identifícate o Registrate

También en El Búscolu