Entrega en Barcelona de un informe al Institut d·Estudis Catalans (academia de la llingua catalana) pa solicitar el cambiu de definción del asturianu

Facen Entrega d·un informe al Institut d·Estudis Catalans pa solicitar que se defina al asturianu como idioma nel so Diccionariu

L·informe vien avaláu por filólogos profesores en diez universidaes
de países como Xapón o Portugal BARCELONA 09/10/2012. El presidente d·Iniciativa pol Asturianu, Inaciu Galán, tará
esti miércoles en Barcelona pa presentar en mano énte l·Institut d·Estudis Catalans (IEC), academia de la llingua catalana, un informe tituláu “Definir el términu “asturianu” con xeitu. Informe sobre la presencia del vocablu “asturianu” y otros términos nos diccionarios normativos d·otres llingües”. Un trabayu que propon a la institución que·l términu “asturianu” dexe de referise a “conxuntu de fales” pa
responder a la realidá ciéntifica y llegal, que dexa a les clares que l·asturianu ye un idioma.

Avalen esti informe un llistáu de profesores, que sigue creciendo, y qu·inclúi a más de 10 universidaes de países como Xapón o Portugal, a l·actual decana de la Facultá de Filosofía y Lletres de la Universidá d·Uviéu y a caderalgos y profesores.

Pa Iniciativa pol Asturianu ye innegable la necesidá de cambiar esta definición del Diccionario del IEC, pues ye una cuestión de respetu a la realidá sociollingüística d·Asturies y del restu de los territorios asturfalantes.

Esti miércoles 10 d·ochobre a les 12:00 de la mañana*, Inaciu Galán entregará na sede del Institut d·Estudis Catalans nel Carrer del Carme, 47, de Barcelona, esti informe y los avales xunto a una carta dirixida al Presidente de l·Institut. Atenderáse a la prensa a les puertes de la institución.

Iniciativa pol Asturianu ye una organización asturiana ya independiente que trabaya pol futuru del idioma asturianu, al traviés de la reivindicación y l·alcuerdu con entidaes públiques y privaes pal usu del asturianu. (Más info: www.iniciativapolasturianu.org)