Iniciativa pol Asturianu felicita a la Banda de Gaites Villaviciosa – El Gaitero pol usu del asturianu dientro del Festival Internacional de Gaites de Villaviciosa

Iniciativa pol Asturianu felicita a la Banda de Gaites Villaviciosa – El Gaitero pol usu del asturianu dientro del Festival Internacional de Gaites de Villaviciosa

Publicada por Redacción Búscolu el 06/09/2018 16:46:37

Esti certame y munchos festivales d’esti tipu lleven teniendo presente a la llingua asturiana delles ediciones y son un escaparate pa facer ver a otros participantes de distintes zones d’Europa y d’España la llingua propia d’Asturies.

Inaciu Galán, presidente d’Iniciativa pol Asturianu, amosó la felicitación
en nome de l'asociación a la organización del Festival Internacional de Gaites de Villaviciosa pola presencia y l’usu de la llingua asturiana dientro d’esti certame cultural. Galán apuntó que “esti certame y munchos festivales d’esti tipu lleven teniendo presente a la llingua asturiana delles ediciones y son un escaparate pa facer ver a otros participantes de distintes zones d’Europa y d’España la llingua propia d’Asturies”.

“Allegrámonos fonderamente de ver como nun eventu sobre una seña d’identidá de la cultura d’Asturies como ye la gaita tamién ta presente otra seña d’identidá como ye’l nuesu idioma. Tamién hai que reconocer que nel restu d’actividaes a lo llargo del añu como nes comunicaciones en redes sociales y convocatories que s’entamen dende la Banda de Gaites
de Villaviciosa l’asturianu ta presente”.

P'acabar, el presidente d’Iniciativa pol Asturianu quixo recordar que “Iniciativa pol Asturianu ta al serviciu de toles asociaciones y agrupaciones culturales que precisen ayuda a la hora de tener presente l’asturianu na so programación”.

 

¿Quiéres comentar? Identifícate o Registrate

También en El Búscolu