Inminente destrucción d´una muria del muelle del sieglu XVIII pola construcción de la rampla d´accesu al Escanu en Llastres.
Lo primeru, entamar diciendo que la Llastra obviamente nun s´opón a dotar d´un accesu dignu a los ciudadanos al arenal del Escanu de Llastres.
Ensín embargu, el proyectu al que tuvo accesu la Llastra nun tien informe de la Conseyería de Cultura.
La muria afectada ta dientro del conxuntu hestóricu de Llastres, ésti ye bien integrante del patrimoniu cultural d´Asturies y cualquier actuación nesti patrimoniu necesita de l´aprobación expresa de la Conseyería de Cultura, y nun hai informe de cultura.
La Llastra va presentar una denuncia pa paralizar el proyectu actual de la construcción de la rampla cola intención de que la Conseyería de Cultura se manifieste y d´esta manera que se mos asegure que se cumplan tolos protocolos de protección del muelle Llastrín.
0 Comentarios
Esta noticia todavía no tiene comentarios
Comentar la noticia
El email no será publicado