Andecha Astur: “Nun esperaba esti españolismu dende Podemos”

Publicada por Redacción Búscolu el 22/01/2015 00:27:39

Les declaraciones de David Ripa despreciando la llingua asturiana y de la Secretaria Xeneral de Podemos en Gozón, ente otros, defendiendo la unidá d’España y faltando al respetu a asturianos y catalanes son cenciellamente inaceutables.

Arturu X. Bermeyu, secretariu Xeneral d’Andecha Astur, afirma que “nun esperaba esti españolismu dende Podemos”, afirmando que “perriba del calter sucursal de la formación madrilana n’Asturies, la prosimidá en plantegamientos políticos y sociales, nun facía esperar un comportamientu tan españolista, con declaraciones de cabezaleros d´esta formación nes que nun respeten la identidá llingüística asturiana y lleguen a ponemos a los asturianos comu referentes de la unidá d’España, faltando al respetu non solo al Pueblu Asturianu sinon tamién al Catalán.


Respeutu a la propuesta d’IAS d’una “unidá popular” con IU y Podemos, Arturu X. Bermeyu esclarió qu’ensin presllar denguna puerte, Andecha Astur ye una formación nacionaliega que defende la soberanía del Pueblu Asturianu, y que per ende nun-y paez probatible participar en proyeutos estatalistes, muncho menos con formaciones comu IU cuya implicación colos estremaos gobiernos del PSOE n’Asturies y los ayuntamientos asturianos failos direutamente responsables de la situación política qu’anguañu carecemos n’Asturies, por nun falar de los casos de corrupción direutamente lligaos a los gobiernos d’Areces.

¿Quiéres comentar? Identifícate o Registrate

También en El Búscolu