Confírmase’l calter políticu del preslle de l’Autopista del Mar

Confírmase’l calter políticu del preslle de l’Autopista del Mar

Publicada por Redacción Búscolu el 01/03/2015 13:58:14

La refuga del Ministeriu de Fomentu español a solicitar l’ecobonu pa reflotar l’Autopista del Mar asturiana pon n’evidencia la so intención de potenciar la nueva comunicación Vigo-Saint Nazaire y incapacidá dafechu del “Principado”, ninguneáu fasta’l ridículu.

El determín del Gobiernu español de nun tramitar el pidimientu d’aídes europees pa reflotar l’Autopista del Mar Xixón-Saint Nazaire, basándose en que tuviera de ser plantegáu nun ámbetu más ampliu qu’afeutaría a tolos proyectos asemeyaos que coneuten puertos españoles con otros d’Italia, Francia y Portugal, beneficiando asina a la nueva comunicación  abierta ente Vigo y Saint Nazaire, pon n’evidencia’l calter políticu del preslle de l’Autopista del Mar asturiana. Amás queda patente la falta de capacidá del “Principado”, al que non solo nun-y dexen xestionar direutamente estes aídes europees, sinón que foi ninguneáu una vegada más pol Gobiernu español fasta’l ridículu.
Per otra parte, Andecha Astur quier denunciar una vegada más les actuaciones incoerentes dafechu del “Principado” cola Autopista del Mar, desentendiéndose de la so evolución, siendo incapaz de paralizar el so preslle y, a lo cabero, presentando unes auténtiques “cuentes de la llechera”, fiando la reapertura de la mesma nuna hipotética aída apurría na so totalidá pola Xunión Europea, enantes siquier de poder presentase a la mesma.
Andecha Astur, qu’entrugó y llogró la respuesta del Gobiernu español nel sen de que s’auditará a nivel européu la xestión de LDLines de l’Autopista del Mar, y que llevó a Bruxeles esta mesma entruga énte la total rocea a la rempuesta del Gobiernu español, tien la intención de llevar el casu a la OLAF pa denunciar lo qu’atalanta ye un fraude

¿Quiéres comentar? Identifícate o Registrate

También en El Búscolu