Fraude d’El Musel: escomienza la cuenta trás

Publicada por Redacción Búscolu el 21/05/2015 16:01:34

La denuncia d’Andecha Astur énte la OLAF, que favoreció’l so demoledor informe, tien de resultes les primeres declaraciones d’imputaos énte l’Audiencia Nacional.

Nun tán tolos que son, pero’l desfile de políticos corruptos que van tener que declarar na Audiencia Nacional pol fraude d’El Musel nun fixo más qu’escomenzar.

A Rexach y Díaz Rato tendrán de siguir González Buendía, d’aquella conseyeru de Mediu Ambiente, Ordenación del Territoriu ya Infraestructures y el mesmu Álvarez Areces como postrer responsable de la obra faraónica que soterró millones de Fondos Europeos sol mar y engordó los bolsos de dalgunos.

Yá lo apuntaba Andecha Astur na so denuncia énte la OLAF, el cúmulu d’illegalidaes, dende la contratación de la obra fasta’l burdu intentu de faer pasar por una segunda fase’l sobrocostu énte la XE.Y tien responsables con nome y apellíos nos distintos gobiernos del PSOE, dende’l “Principado”, fasta’l Ministeriu de Fomentu español, pasando pel mesmu Conceyu de Xixón. Vamos ver desfilar énte la Andiencia Nacional a tolos qu’apaecen na semeya de “familia” el día de la nauguración de l’ampliación d’El Musel y responder polos graves delitos que la mesma OLAF apunta nel so informe.

Quédamos la dulda de si esta vegada sí van facilitar na Audiencia Nacional la documentación riequería que nel so momentu tapecieron a los ispeutores de la OLAF y que nun fixo más que corroborar les fundaes sospeches de fraude.

¿Quiéres comentar? Identifícate o Registrate

También en El Búscolu