PODEMOS Asturias - La candidatura Asturies 2019, encabezada por Lorena Gil, impónse nes primaries autonómiques con un 78% de los votos

Publicada por Pressy el 27/11/2018 12:35:02

No que se refier a les candidates y candidatos pal cuerpu de la llista pa las elecciones autonómiques, que se vota de forma independiente col formatu de llistes abiertes, el diputáu y secretariu xeneral, Daniel Ripa, fue la persona más apoyada, con 72.928 puntos, siguíu pola diputada pola circunscripción oriental, Paula Valero (70.458 puntos); la conceyala de Xixón Sí Puede y coportavoz de Podemos Asturies Nuria Rodríguez (70.139 puntos), y el diputáu pola circunscripción occidental, Andrés Fernández Vilanova (68.604 puntos).

Nel procesu de va un añu, la candidatura Asturies 2019 llogró un 62,5% de apoyos (1.943 votos) y esi proyectu consigue agora un respaldu porcentual 16 puntos superior. La participación fue de 2.457 votos, el 63% de les 3.895 persones verificaes en Podemos Asturies, una de les más altes nes primaries autonómiques que Podemos desarrolló la selmana pasada en doce comunidaes autónomes (toes menos Madrid, Cataluña, Andalucía, Euskadi y Galicia).

Lorena Gil, xixonesa, ye diputada nel Parlamentu asturianu dende 2015. Llicencióse en Filoloxía Inglesa pola Universidá d’Uviéu y en Ciencies Polítiques pola UNED, y trabayó durante más de diez años en Luxemburgu y España nuna multinacional, na qu’anguaño ta en situación d’escedencia llaboral. Primero trabayara n’Alemaña y en Madrid pal Institutu Español de Comerciu Esterior.

¿Quiéres comentar? Identifícate o Registrate

También en El Búscolu