PODEMOS Asturias - Podemos Asturies va reclamar la oficialidá de la llingua na primer llei que lleve al Parlamentu asturianu a partir de mayu

Publicada por Pressy el 04/05/2019 08:35:04

La reforma estatutaria ha de poner remediu a una situación dafechu incomprensible: que n’Asturies nun se cumplan los mandatos de rangu estatal y de rangu internacional pa garantizar la sobrevivencia d’una llingua que, como alvierte la Unesco, cuerre peligru d’estinción si nun se-y reconoz el status llexislativu y alministrativu que necesita y merez pa siguir formando parte del patrimoniu inmaterial asturianu. Si de Podemos Asturies depende a partir del 26 de mayu, esi reconocimientu va ser real, inmediatu y efectivu; si queda en manes d’otres fuerces que namás ofrecen apoyu testimonial a esta necesidá probablemente nun vamos pasar de la declaración d’intenciones nin de los bonos propósitos. Valga como exemplu que mientres el PSOE asturianu diz que defende la oficialidá, el PSOE avilesinu tumba col so votu dalgo básico y fundamental como son les ordenances municipales d’asturianu.

Nesti día de fiesta y de reivindicación llingüistica queremos espresar el nuesu compromisu con toles persones que reclamen el derechu a usar esti idioma o el gallego-asturiano con llibertá y con garantíes. Esta tarde vamos salir de nueves a les cais d’Uviéu pa participar na manifestación qu’entama la Xunta pola Defensa de la Llingua Asturiana y nel actu que darréu va celebrar l’Academia de la Llingua Asturiana nel Teatru Campoamor.

¿Quiéres comentar? Identifícate o Registrate

También en El Búscolu