PODEMOS Asturias - Un total de 56 iniciatives sociales opten a los premios de Proyectu Asturies, pa los que yá tán en marcha les votaciones

Publicada por Pressy el 16/03/2019 08:35:03

Esta edición ofrez, ente otres novedaes, la presentación de los proyectos por estayes, en cinco categoríes: Arte y Cultura (9 proyectos presentaos); Educación, Salú y Deporte (13 proyectos opten a los premios); Derechos Humanos, Inclusión Social y Igualdá (20 proyectos); Mediu Ambiente y Derechos de los Animales (4 proyectos), y Otros Proyectos d’Interés Social (10 iniciatives). L’aportación d’esta convocatoria ye de 22.000 euros en total, que se van distribuir ente once proyectos, a razón de 2.000 euros caún, col siguiente repartu: tres premios pa la categoría de Derechos Humanos, Inclusión Social y Igualdad; dos pa les d’Arte y Cultura (especialmente asturiana); la categoría Educación, Salú y Deporte, y la d’Otros Proyectos d’Interés Social, y un galardón pa Mediu Ambiente y Derechos de los Animales. Va haber, asinamesmo, un premiu especial d’igual cuantía que va decidir el Comité Evaluador pa ún de los proyectos que nun resulte premiáu na votación ciudadana telemática.

Proyectu Asturies sofita y impulsa la iniciativa ciudadana collaborando con agrupaciones, plataformes y colectivos organizaos col envís de contribuir a meyorar la calidá de vida de les persones nel territoriu asturianu mediante formación, asesoramientu y ayuda económica pa poner en marcha y desarrollar proyectos d’interés social. Finánciase con una parte del escedente salarial de les diputaes y diputaos de Podemos Asturies que, como establez el Códigu Éticu del partíu moráu, tienen un sueldu máximu equivalente a tres veces el Salariu Mínimu Interprofesional de 2015 (ye dicir, 1.950 euros mensuales). Dende’l comienzu d’esta llexislatura na Xunta Xeneral yá donaron más de 170.000 euros.

¿Quiéres comentar? Identifícate o Registrate

También en El Búscolu